[EGITARAUA] Durangoko elkarteek 'Plazara!' irtengo dute, jarduerak herritarren artean zabaltzeko

Anboto 2023ko api. 19a, 11:03
Deskargatu Info Ahotsak :

Durangoko elkarteek kalean egingo dituzte jarduerak, herritarren aurrean eta herritarrekin lankidetzan. Asteburu honetan izango dira ekitaldiak. Kirola, musika, astronomia eta elkartasuna batu dituzte ekitaldietan.

 

Besteak bestek Gerediaga elkarteak Ignacio Ansorena Olazaranen irudiak erakutsi ditu; oraintsu iragarri du elkarteak argazkilariaren familiak 10.000 irudi eman dizkiola dohaintzan. 

EGITARAUA

Apirilak 21, barikua

  • Garabide elkartea. "Hizkuntza indigenak eta ama lurra zaintzen" erakusketa eta ikus-entzunezkoak Udal Euskaltegian. 18:00etan Beltzean mintzo ikus-entzunezkoa. 19:30etan Mai da bai, eta ez dago ezetzik ikus-entzunezkoa. 20:00etan Argia iluntasunean ikus-entzunezkoa.
  • Uztai taldearen klase irekia Landako I kiroldegian (17:00 - 18:30)
  • Durangoko Kirol Taldearen klase irekia atletismo pistan (17:00etan, umeentzat. 18:00etan gazte eta helduentzat)
  • Bidezabal atletismo taldeko kideek atletismoa egingo dute kalean. 18:30etatik 20:00etara Ibaizabal auzoan.

Apirilak 22, zapatua

  • Gerediaga elkarteak argazki zaharren etengabeko proiekzioa eskainiko du Ezkurdin. (11:00-13:00)
  • Durangoko orfeoiak entsegu irekia egingo du San Agustin Kulturguneko aretoan (12:00-13:30)
  • Vicente Zabala kultur elkarteak mahai informatiboa ipiniko du Andra Marin 12:00etatik 14:00etara.
  • Minbiziaren kontrako Bizkaiko elkarteak  mahai informatiboa ipiniko du Andra Marin 12:00etatik 14:00etara.
  • Asebier elkarteak, gaixotasun arraroen Bizkaiko elkarteak, sentsibilizazio jarduerak eta mahai informatiboa eskainiko ditu Andra Marin 10:00etatik 14:00etara.
  • Izarra astronomia elkarteak ate irekien jardunaldiak egingo ditu. Umeentzako egitasmoak eta behatokira bisita. Intxaurrondoko oktogonoan egongo dira 11:00etatik 13:00etara.
  • Garabide elkartea. "Hizkuntza indigenak eta ama lurra zaintzen" erakusketa eta ikus-entzunezkoak Udal Euskaltegian. 11:00 - 14:00.

Apirilak 23, domeka

  • Eragin formakuntza eta garapen elkarteak bizipen eta soinu terapia tailerra egingo du Landako I kiroldegiko sotoetan (11:30 - 13:30)
  • Jaizale elkarteak txistularien kalejira egingo du 12:00etatik aurrera, Alde Zaharretik eta Ezkurditik zehar.
  • Bogoroditsie abesbatzak kontzertua eskainiko du Madalenako ermitan 12:30etan.
  • Garabide elkartea. "Hizkuntza indigenak eta ama lurra zaintzen" erakusketa eta ikus-entzunezkoak Udal Euskaltegian. 11:00 - 14:00.
Gizartea Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!