"40 urteurrena Jose Manuel Rozas zenaren irudiari bultzada berria emateko aprobetxatu gura dugu, izan ere, bizirik zegoenean errekonozimendu handia zuen artista izan arren, bere heriotzaren ondoren gutxi jakin da berari eta bere lanari buruz. 1997.an Bilboko Guggenheim museoan erakutsi ziren azken biderrez Rozasen lanak", azaldu du Ander Lopezek prentsaurrekoan; Lopezek idatzi ditu katalogorako testuak. Ander Lopezek berak berbaldia eskainiko du maiatzaren 4ean. Arrizabalagak Rozasen unibertsoak sortzen duen erakargarritasun indartsua nabarmendu du; "garaiko testuingurua" islatzeko gaitasuna azpimarratu du Lopezek, baita ere.
Arte eta Historia Museoa eta Durango erreferentziazkoak direla nabarmendu dute Ima Garrastatxu alkateak eta Julian Rios alkateordeak, eta erakusketa Aste Santuko oporraldian Durango bisitatzeko aukera paregabea dela azaldu dute.
Inaugurazio ekitaldia 19:00etan izango da, gaur, martxoak 23; ekitaldian Fernando Zamora poetak eta rapsodak emanaldia eskainiko du Antonio Ligero biolinistarekin batera. Apirilean eta maiatzean bisita gidatuak egongo dira.