Trenak ekarritakoak dokumentala Txelu Angoitak zuzendu du. Ekitaldia, ostera, Jon Maiak aurkeztuko du; martxoaren 24an izango da. Xabier Aburruzaga trikitilariak, Gaspar Rodriguez flamenko gitarristak, Aritz Lasarguren eta La Jara dantzariek ere parte hartuko dute. Apirilaren 1ean Neomak eta Sua taldeek kontzertua eskainiko dute; Delirium Tremens eta La Excavadorak, ostera, apirilaren 21ean joko dute Platerunan.
Kontzertuez gainera, Durangoko V. Abesti feministen lehiaketa egingo dute martxoaren 18an; Andraguneak antolatu du lehiaketa. Apirilaren 28an, Jam Sessiona egingo dute, Bartolome Ertzilla Musika Eskolaren 40. urteurrenaren ospakizunaren baitan.
Sarrerak Durangoko Arte eta Historia Museoko txarteldegian eta Kutxabanken erosi ahalko dira, 12 euroan.