Bihar bertan, martxoaren 4an, pankartak egiteko tailerra egingo dute Landakoko sotoetan. 17:00etan ekingo diote lanari. Martxoaren 13an, arrazakeriaren kontrako tailerra egingo dute, Bizkaiko SOS Arrazakeria elkartearen eskutik. Ekitaldia Zabaltzen Sartun egingo dute 18:00etan, eta bertan parte hartzeko izena eman beharko da aurretik 648511741 telefonoan. Azkenik martxoaren 18an elkarretaratzea egingo dute Durangoko Andra Marin. 18:30etan izango da.
Ekitaldi hauek Durangaldeko hainbat elkartek antolatu dituzte elkarlanean. Honako hauek parte hartu dute egitasmoan: Ghana United, Virgen del Cisne, Ceiba, Andereak, Ongi Etorri Errefuxiatuak plataforma, Zaldibarko Jendeak, Atxondoko Harrera, Hemendik Harantz, Durangoko Parte Hartze Tailerra eta Zabaltzen Sartu.