Joan zen asteburuan Bizkaiko boxeo txapelketako finala lehiatu zuten Sestaon eta Michel Emmanuel Diattak irabazi zuen. Horren aurretik, otsailean zehar, kanporaketa bi gainditu behar izan ditu 23 urteko durangarrak: final laurdenetan Ander Ormazabal (Cruces Boxfit taldea) menderatu zuen eta finalerdietan Unai Ibañez (Bilbox Leioa). Finalean, berriz, Jon Rainieriri irabazi zion.
Diatta Laureano Fight Club-eko eta Indar Xsport klubeko kidea eta boxeo monitorea da. Hurrengo erronka Euskadiko txapelketa izango du, maiatzaren 20an, Getxon.
Diatta, Bizkaiko txapeldunaren dominarekin.