2017tik martxan dagoen BIKEE programaren helburu nagusiak Bizkaiko kirol-sarean euskararen presentzia areagotzea eta kirolaren bidez euskararen erabilera soziala sustatzea dira. Bizkaiko 30 bat kirol elkarteri arlo horretan egindako lana aitortzeko antolatu zuten atzoko ekitaldia.
"Bizkaiko kirol-ehunak euskalduntze-prozesuan ere erreferente gisa egiten duen lana aitortu eta balioetsi nahi dugu. Zuek zarete benetan lehen lerroan zaudetenak. Hau guztia federazio eta klub, kirolari eta staff teknikoaren artean lortzen ari zarete; ekarpen handia egiten diozue Bizkaiari", adierazi zuen Lorea Bilbao Ibarrak, Euskara, Kultura eta Kirol diputatuak.
