Durangoko Udalak lizitaziora atera du hainbat eraikinetako teilatuetan eguzki plakak ipintzeko proiektua. Landako II kiroldegian ipiniko dituzte eguzki plakarik gehienak, 586. Eraikinaren teilatuan ipiniko dituzte, modu horretan kiroldegiko kontsumo energetikoaren %23 energia berriztagarriz hornitzeko. Landako Eskolan, berriz, beste 132 ipiniko dituzte. Ikastetxean kontsumitzen den energiaren %40 eguzki energiagaz hornituko dute. Azkenik, Ezkurdiko frontoian ipiniko dituztenak daude. 40 modulu instalatuko dituzte, frontoian kontsumitzen den energiaren %31 eguzki energiagaz hornitzeko. Lizitazioaren prezioa 288.576 eurokoa da. EVE Energiaren Euskal Erakundeak 232.000 euroko ekarpena egin dio kopuru horri.
758 eguzki plaka instalatzeko obra lizitaziora atera dute Durangon
Landako Eskolako, Landako II kiroldegiko eta Ezkurdiko frontoiko teilatuetan ipiniko dituzte moduluak.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!