Espainiako atletismo federazio, Euskadiko federazio eta Durango Kirol Taldearen (DKT) artean antolatuko dute ekimena. Aurten 12 taldek parte hartuko dute eta euren artean dago DKT. Lehenengo probak 10:00etan hasiko dira eta azkenengoa, errelebo proba, 13:30an.
Taldeak mistoak dira. 2021an parte hartzaileen %65 gizonak izan ziren eta %35 emakumeak. Aurtengo txapelketa ia parekidea izango da eta parte hartzaileen %45 emakumeak izango dira. Azpimarratzekoa da iaz azpitxapeldun geratu zen DKTk gizonak baino emakume gehiago aurkeztu zituela (%54).