57. Durangoko Azokako izen-emateak irailaren 1ean zabalduko dira

Anboto 2022ko abu. 31a, 10:27

Hiru izen emate zabalduko dira: partaideek erakusmahaiak alokatzeko, kultur sortzaileek egitaraurako proposamenak aurkezteko eta ikastetxeek ikasle goizeko tailerretan parte hartzeko. Abenduaren 7tik 11ra ospatuko da aurtengo Durangoko Azoka. 

Egitaraurako proposamenak aurkezteko epea bihar hasiko da; urriaren 15erako epea edukiko dute hori egiteko asmoa dutenek. Azokan parte hartzea gura duten argitaletxe, diskoetxe, ekoiztetxe, elkarte, erakunde, banatzaile eta autoekoizleek irailaren 30erako epea izango dute. Ikasle goiza abenduaren 7ko goizean egingo dute.  

Bost egunez, kulturaren plaza bilakatuko da beste urte batez Durango. 57. Edizio honetan online dendak jarraipena edukiko du, eragileen parte hartze presentziala eta digitala bermatzeko. Aurreko edizioetan bezala, Talaia, Ahotsenea, Irudienea, Kabi@, Saguganbara eta Szenatokia guneak egongo dira Durangoko Azokan. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!