Behin-betiko proiektua onartu baino lehen, Durangoko Udalak Hiri Antolamendurako Plan Orokorraren Aurrerapen dokumentua aurkeztuko du jendaurrean. Uztailaren 12an berbaldi informatiboa eskainiko dute osoko bilkuren aretoan. Hitzaldia 18:30etan izango da. Dena dela, dokumentua www.durango.eus atarian dago eskuragarri, eta Udalaren Bulego Teknikoan ere fisikoki egongo da ikusgai, astelehenetik barikura, 8:30etik 14:00etara.
Bestalde, erredakzio taldearen argibideak presentzialki jaso gura dituenak horretarako aukera izango du aldez aurretiko txanda hartuta. 946030011 telefonora edo plan@durango.eus helbidera jo ahalko da horretarako. Azkenik, iradokizunak aurkezteko epea irailaren 30era arte dago zabalik.