Moyaren eta Meaberen lanak barne bidaia bat proposatzen du, eta "norberaren iparrari eta izarrari kasu egiteaz, bizipoza babesteaz eta martxan jarraitzeaz" mintzo dira. Barikuan izango da emanaldia, 20:00etan, Benita Uribarrena parkean. Bizenta Mogel udal bibliotekak antolatu du ekitaldia, Uda Giro programazioaren barruan. Euria eginez gero, San Agustin kulturgunean egingo dute ekitaldia.
Bestalde, Carnage antzerki konpainia frantziarrak Les Tapas ikuskizuna aurkeztuko du, domekan, Aurora Abasolo parkean; 20:00etan hasiko da. Familia osoarentzako proposamena da Les Tapas. Carnage 1989an sortu zen eta ordutik 150 funtzio baino gehiago egin dituzte; besteak beste, Marokon, Belgikan eta Suitzan. Euria eginez gero Landako Gunean izango da.