Ez dago data zehatzik, baina kontuak mugitzen ari dira. Durangoko Udalak iragarri du Sprilur "laster" hasiko dela Fundifes lantegia izandakoa botatzen; "datozen asteetan". Udalaren arabera, Sprilurrek horretarako baimen guztiak jaso ditu, eta hondakinak erretiratzeari ekingo dio aurki. Lanetan amiantoa bezalako hondakin arriskutsuak daudela eta, udalak ruina egoeran dagoen zatia "berehala" botatzea "agindu" dio Sprilurri.
"Proiektu estrategikoa"
EAJk "positibotzat" jo du udalak Fundifes botatzeko baimena eman izana. Mireia Elkoroiribe bozeramailearen berbetan "hori beste urrats bat da Durangok bere etorkizunerako estrategikoa izango den proiektu bat izan dezan".
Iaz, Sprilurrek Fundifesen orubea erosi eta akordio bat egin zuen Maristak ikastetxearekin. Instalazioak bota eta lurrak garbitu ondoren, ikastetxearentzako eraikin berria bertan eraikiko dute.