Bibe Transbizkaia martxa zikloturistaren bosgarren edizioa egingo dute domekan. Durangon hasi eta Urkiolan amaituko den martxak 2000 txirrindulari inguru batuko ditu. Aurten ere, aurreko edizioetan bezala, martxa luzea eta laburra antolatu dituzte. Martxa luzekoek 179 kilometrotan (3.500 metroko desnibel positiboa) zortzi mendate igaroko dituzte: Kanpazar, Ixua, Milloi, Astorkigane, Sollube, Gerekiz, Muniketa eta Urkiola. Martxa laburrekoek, berriz, 122 kilometrotan (2.445 metroko desnibel positiboa) sei mendate: Kanpazar, Ixua, Milloi, Bizkaiko Begiratokia, Muniketa eta Urkiola.
Martxa goizeko 8:00etan hasiko da Durangoko Landako Gune aurretik.