Sorginolako materiala Garai jauregira lekualdatuko dute, gazteentzako leku berri bat topatu bitartean

Sorginolako gazteek biltegi eta bilera gela modura baino ez dute erabiliko Garai jauregia.

Garai bateko Fundifes fabrika, gaur egun Sorginola dagoen lekua, bota egingo denez, Durangoko Udalak eta Sorginolako gazteek bertako materiala Garai jauregira eramatea eta epe batez bertan gordetzea erabaki dute. Udalak jakinarazi duenez, gazteek "biltegi eta bilera gela lez" baino ez dute erabiliko eraikina. Eta erabilera hau behin-behinekoa litzateke, alde biek gazteek euren jarduerak egiteko gune berri bat bilatzeko lanean jarraitzen duten bitartean".

"Adinekoek adinekoentzako zentroa duten bezala, edo gazteenek ludoteka eta gaztegune berria
duten bezala, gazteek eta nerabeek ere beren jarduerak garatzeko gune bat behar dute, eta hori sistematikoki ukatu izan zaie orain arte. Egoera honi irtenbide adostu bat bilatzen diogun bitartean, objektuak Garai jauregian gorde ahal izango dituzte”, adierazi dute udal arduradunek.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.