Udalsarea administrazio publikoen arteko koordinazio foro bat da, udaletxeetatik jasangarritasuna sustatzeko eta Arabako, Bizkaiko eta Gipuzkoako udalerrietan Tokiko Agenda 21 plana ezartzeko zein Ingurumen Esparru Programarekin bat etortzeko. Hori dela eta, Durangoko Udalak konpromisoa hartu du Plana 2030ra arteko ibilbide orri gisa erabiltzeko, eta ikuspegi hori udal politikan eta kudeaketan txertatzeko. Gainera, 2030 Agendaren prozesuak inplementatzen lagunduko du, Udalaren konpromiso politiko eta etengabeko hobekuntzarako konpromiso gisa.
Bestalde, sarearen liburutegi birtuala zabaltzeko eta adimen kolektiboa handitzeko kontaktuak, informazioa, ezagutza, materiala eta esperientzia praktiko proaktiboki eman eta partekatuko ditu, eta Ihobe Eusko Jaurlaritzaren Ingurumen Jarduketarako Sozietate Publikoak kudeatuko du haren banaketa.