Madalenako plazak "hobekuntza sakon bat" behar duela eta, udalak plaza berritzeko obrak egin gura ditu aurten. Momentu honetan proiektua idazten dabil. Baina idazketa amaitu aurretik herritarren iritzia jakin gura du. Eta bilera bat egingo dute horretarako. Eguenean izango da, Saibigain kaleko Berbagunean, arratsaldeko 19:00etan. Udalak eskuartean duen proiektuak irisgarritasuna, iragazkortasuna eta espazioaren txukuntzea barnebiltzen ditu. Bestalde, auzoko jardueretarako gune bat ere ipini gura dute.