Durangoko Udalak jakinarazi du datozen egunetan Arandoñotorre kalea urbanizatzeko lanak hasiko dituela. Lanek ia 505.000 euroko aurrekontua izango dute eta lau bat hilabete iraungo dute. Berrurbanizazioa kota bakarrean gauzatuko da, alboan dagoen Montevideo Etorbidearen antzera. Espaloiak hiru metroko zabalera izango du eta aparkalekuak linean jarriko dira kalearen alde bakoitzean. Aurreko lanez gain, hainbat zuhaitz landatuko dira kalean zehar. Horrez gain, udal zerbitzu guztiak berrituko dira (ur edangarria, ur-zikinak, euri urak, telefonia eta argindar sareak) lan hauek aprobetxatuz. Udalaren esanetan, ingurua "ahaztuta egon da urte luzez". Lan horiei eskerrak "irisgarritasuna bermatu eta alboko kaleetako irudi berritua" emango diete kaleei.
Arandoñotorre kalea urbanizatzeko lanak datozen egunetan hasiko dituzte
Espaloia eta errepidea maila berean ipiniko dituzte. Bestalde, espaloien zabalera hiru metrora zabalduko dute eta aparkalekuak linean ipiniko dituzte.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!