Datu moduan, 2021ko urtarriletik hona puntu bat pasatxoan hazi da 60 urtetik gorako durangarren kopurua; %25,97tik %27,22ra, hain zuzen. Durangon bizi diren 29.620 pertsonetatik 8.064 dira 60 urtetik gorakoak. 80 urtetik gorakoen kopurua, berriz, honako hau da: 1.845. Gaurko prentsaurrekoan eman dituzte datu horiek.
Lau berbaldi sortatan beste hainbeste gai jorratuko dituzte. Gaiak honako hauek dira: Adinekoek jasaten dituzten iruzurrak eta lapurretak, bide-segurtasuna, lehen laguntzetako prestakuntza eta etxeetako segurtasuna (erorikoak…).
Hitzaldiak udalak antolatzen dituen tailer psikosozialetan emango dira, hau da, dagoeneko sortuta dauden taldeetan: Adinekoen egoitzan, San Faustokoan, Aramotz auzokoan eta Magdalena auzokoan. Horrez gainera, gai batzuetan hitzaldi irekiak emango dituzte kolektibo osoari zuzenduta. Etxeko segurtasunari lotutako hitzaldi irekirik ez da egingo; gainerako hiruretan bai egingo dira. Durangoko Udal Egoitzan izango da eta izena aurretik eman behar da udal egoitzara deituta.
Ekimen hau PSE-EEk proposatu zuen 2022ko aurrekontuei begira eta onartu egin zen. Elkarlanerako adibide moduan jarri dute gaurko prentsaurrekoan Gobernu Taldean dauden EH Bilduk eta Herriaren Eskubidea-Elkarrekin Podemosek eta PSE-EEk berak.
Honakoa da berbaldiei buruzko informazioa:
IRUZURRAK ETA LAPURRETAK
Helburua: Adinekoek jasan ditzaketen iruzur eta lapurretei (kalean nahiz etxean) buruzko informazioa eta prebentzioa eskaintzea eta iruzurrak saihesteko tresna eta aholku erabilgarriak eskaintzea.
Norekin? Durangoko udaltzaingoarekin lankidetzan.
Noiz:
- Martxoak 15, 11:00: Adinekoen egoitzako tailer psikosoziala.
- Martxoak 17, 11:00: San Faustoko tailer psikosoziala.
- Martxoak 22, 11:00: Aramotz auzoko tailer psikosoziala.
- Martxoak 23, 11:00: Madalenako tailer psikosoziala.
- Martxoak 30, 17:00: HITZALDI IREKIA, Durangoko Udal Egoitzan.
BIDE SEGURTASUNA
Helburuak: Bide-jarrera seguru baten onurak ezagutzeko informazioa eskaintzea; bizikleten, patineteen, oinezkoen, ibilgailuen eta abarren arteko bizikidetza sustatzea…
Norekin? Stop Bide Indarkeria, Durangoko udaltzaingoa eta 'Durango Atsegina' programako talde eragileko kidea.
Noiz:
- Apirilak 5, 11:00: Adinekoen egoitzako tailer psikosoziala.
- Apirilak 6, 11:00: San Faustoko tailer psikosoziala.
- Apirilak 7, 11:00: Aramotz auzoko tailer psikosoziala.
- Apirilak 26, 11:00: Madalenako tailer psikosoziala.
- Apirilak 27, 17:00: HITZALDI IREKIA, Durangoko Udal Egoitzan.
PREBENTZIOA ETXEAN ETA LEHEN LAGUNTZAK
Helburuak: Adinekoek edo ingurukoek izan ditzaketen egoera kritikoei egoki erantzuteko ezagutzak eskuratzea. Intoxikazioak saihestea, sendagaien erabilera egokia, istripu txikien prebentzioa (kolpeak, zauriak, ebakiak, eztarri-trabatzeak…).
Norekin? Gurutze Gorriarekin lankidetzan.
Noiz:
- Maiatzak 10, 11:00: Adinekoen egoitzako tailer psikosoziala.
- Maiatzak 17, 11:00: San Faustoko tailer psikosoziala.
- Maiatzak 18, 11:00: Madalenako tailer psikosoziala.
- Maiatzak 19, 11:00: Aramotz auzoko tailer psikosoziala.
- Maiatzak 25, 17:00: HITZALDI IREKIA, Durangoko Udal Egoitzan.
SEGURTASUNA ETXEAN
Helburuak: Erorketak prebenitzea (sukaldean, bainugelan eskaileretan…). Nola jaitsi eta igo eskailerak, nola oheratu eta jaiki… Prebentzio neurriak hartzea honakoekin: berogailuak, su-ontziak, butano-sukaldeak, gasa…
Norekin?
- Ekainak 7, 11:00: Adinekoen egoitzako tailer psikosoziala.
- Ekainak 14, 11:00: San Faustoko tailer psikosoziala.
- Ekainak 15, 11:00: Madalenako tailer psikosoziala.
- Ekainak 16, 11:00: Aramotz auzoko tailer psikosoziala.