Durangoko Udalak 50 zuhaitz berri landatuko ditu igande honetan herriko ikastetxeekin elkarlanean

Anboto 2022ko ots. 16a, 12:07

Iazko zuhaitz landaketako irudia.

Durangoko Zuhatzola parkean Landaketan Lehen Hezkuntzako 5. eta 6. mailako ikasleek hartuko dute parte, bi lorazainen laguntzarekin.

Aurten ere Zuhaitz Eguna ospatuko du Durangoko Udalak herriko ikastetxe ezberdinetako ikasleekin. Igande goizean ospatuko da Zuhatzola parkean, eta, horretarako, Durangoko Udaleko ordezkariak harremanetan jarri dira ikastetxe ezberdinekin, jarduera modu koordinatu batean garatzeko. Izan ere, ekimenaren proposamena herriko ikastetxe guztiak barnebiltzen dituen Eskola Kontseilura eraman zuten eta bertatik koordinatu da, udaleko ohar batean azaldu dutenez.

2020ko Aurrekontu Partehartzaileetan proiektu bozkatuenetako bat izan ostean, iaz 121 zuhaitz landatu ziren Durangoko hainbat puntutan. Igande honetan, Durangoko Zuhatzola parkean 50 zuhaitz landatuko dira. Landaketan Lehen Hezkuntzako 5. eta 6. mailako ikasleek hartuko dute parte, bi lorazainen laguntzarekin.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!