Erregeetako loteriaren bigarren sariaren zati bat Durangon saldu dute

Fernando Revuelta, Ikerferreko atarian.

44469 da zenbaki saritua, eta dezimo bat Durangoko saltoki batean saldu da, Ikerfer kioskoan, hain zuzen ere; 75.000 euro jasoko ditu txartel irabazlearen erosleak. "Oso pozik nago sari hau banatuta. Denbora gutxian banatu dugun hirugarren saria da", azaldu du Fernando Revuelta Ikerferreko kudeatzaileak. 

Fernando Revueltak kudeatzen du gaur egun 1978tik zabalik dagoen Ikerfer kioskoa. Aurretik, bere amonak izozki denda bat zeukan lokal berean. Revueltak zazpi urte daramatza saltokian, eta gaurkoa sari bat banatu duen hirugarren biderra da. 2019an Euromiloiaren milioia banatu zuen, eta iazko udan eguenetako loterian 30.000 euro banatu zituen. 

Erregeetako Loteriaren sari nagusia 41665 zenbakidun txartela izan da, eta Logroñon (Errioxa, Espainia) saldu dute.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.