Eixuk antolatzen duen Gabonetako azoka goizean zein arratsaldean egongo da zabalik. Goizean 11:00etatik 14:30era, eta arratsaldean 16:30etik 20:00etara.
"Eguberritan egiten ditugun opariak erosteko aukera ona izan daiteke, opari eder, original eta bakarrak erosteko, bertan sorturikoak", azaldu dute antolatzaileek.
Azokako lehenengo egunetan egindako erosketen artean 50 euroko bonuak zozkatuko dituztela azaldu dute. Bonuak azokan bertan erabili beharko dira, azokak irauten duen bitartean.