Milaka euskaltzale kalera irten dira "euskararen errepublika" aldarrikatzeko

Aritz Maldonado 2021ko abe. 6a, 19:24

Euskal Herrian Euskarazek deituta, milaka lagunek parte hartu dute Landakotik abiatu den manifestazioan. Santa Anan egin da ostean ekitaldia.

"Grin euskaltzalea berpiztu", eta euskararen eta hizkuntza eskubideen aldeko borrokaren alde egiteko unea dela nabarmendu du Koldo Zarate EHEko kideak manifestazio osteko ekitaldian, besteak beste. Euskaltzaleentzako eta euskalgintzarako mezuak izan dituzte ekitaldian  baita eragile independentistentzako ere. "Datozkigun astinaldiak bizirik gauden euskaldun gehienok inoiz ezagutu ez ditugun dimentsio eta intentsitatekoak izango dira eta horiei herri gisa baturik soilik egin ahalko diegu aurre".

Txillardegiren berba batzugaz amaitu du Zaratek hitzartzea: "Estatu batekin, agian, euskara ez da salbatuko; gabe, ziur ezetz". Kurdistanetik iritsitako ordezkaritzako kide batek berba hartu du, baita ere. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!