Sorkuntza eszenikoari dagokionez, Bagara Kolektiboaren Interakzio Laborategia, Igor Iglesiasen Tartzan Tratamenduan, Cecilia Paganiniren Muna, Maider Lopezen Edurnezuriren Hiru Heriotzak eta Elene Carretoren Topatuko garen leku horretan proiektuak babestu dituzte.
Ikus-entzunezkoetan, Ainhoa Olasoren Hemen bizi da maitasuna proiektuak jaso du beka.
Konposizio musikalen sorkuntzari dagokionez, Ander Erzillaren Sustraiak adarrean eta Egoitz Etxebarriaren Amantra proiektuak lagundu dituzte.
Literatura eta ilustrazio lanei dagokienez, Peru Magdalenaren Dakota Txikiren muki bidaiaria, Mikel Uribelarrearen Gorputz txiki batean jaio nintzen eta Usue Egiaren Ustekabean, krak lagunduko dituzte.
Lan plastiko eta grafikoen sorkuntzaren atalean, Carlos Martinez Bordoyren Un agujero en el cielo, June Baonza Pagaldayren Ama ta asunak, Ismael Iglesiasen Begizulo eta Jone Erzilla Etxegibelen EX3 lagunduko dituzte.
Kultur proiektuei dagokienez, Nerea Gaston Taberaren Barrenkaleko ikuztegiak lagunduko dute.
Epaimahaia Galder Perez Radio Euskadiko kultur edukien zuzendariak, Ane Abanzabalegi Astarloa Kulturgintzako presidenteak, Miriam Romatet Zumaiako Udaleko Kultura Saileko zuzendariak eta Xabier Gantzarain idazle eta arte kritikariak osatu dute, eta aurkezturiko proiektuen kalitate handia eta kultur zirkuituan izan dezaketen proiekzioa azpimarratu dituzte.
"Merkataritzan, ostalaritzan eta beste sektore batzuetan egin dugun moduan, kultura sustatzea ezinbestekotzat jo dugu eta hori kultur sortzaileei lagunduta lortzen da", azaldu dute Ima Garrastatxu alkateak eta Julián Ríos alkateordeak aurkezpenean.