Urko Fernandez Presa bilbotarra dago ekimenaren atzean. Orain urte bi Elorrion antolatutako topaketa antolatzen ere jardun zuen eta aurten Durangora ekarri du ekimena. Inguruko karabanazaleen, ostalarien eta enpresen laguntza izan du antolatzeko.
Topaketak helburu bi ditu. Batetik, karabana zaleek “denbora asko” daramate elkartu barik eta ekimena “normalitatera itzulera ospatzeko” modu bat da Fernandezen berbetan. Baina jaia aldarrikapenekin uztartuko dute. “Udalari Durangon autokarabanentzako gune bat egin dezan eskatu gura diogu”, dio Fernandezek. Izan ere, azken urtebetean furgonetan bidaiatzeko zaletasuna “ikaragarri” hazi ei da; “Pandemiatik hona, jendeak nahiago du furgonetan, familiarekin eta zirkulu itxiagoetan bidaiatu, hoteletara joan eta jende askoren inguruan ibili beharrean”, zehaztu du. Horregatik, bidaiari mota horientzako espazioak areagotzea komenigarri ikusten du.
EGITARAUA AZAROAK 26
18:00; Ongietorria parte hartzaileei
19:00; Musika Sorgin Tabernan.
22:00; Afaria trajeagaz.
EGITARAUA AZAROAK 27
10:00; Gosaria.
12:00; Durango ezagutzen (ginkana, bisita gidatua…).
13:00; Pintxopotea Durangon.
14:30; Bazkaria.
16:30; Bingoa eta zozketak.
17:30; Magia ikuskizuna umeentzat.
18:30; Mozorroak. Gaia: musika generoak (saria onenarentzat)
19:00; Kontzertu akustikoa eta afaria Sorgin tabernan.
23:00; Durangotik poteoan.
EGITARAU AZAROAK 28
10:00; Tortilla lehiaketa.
11:30; Hamaiketakoa.
12:30; ‘Camper’-en inguruko merkatua eta furgoneten aurkezpena.
14:00; Bazkaria.
Izen-ematea eta informazio gehiago lortzeko: kddfurgonetas@gmail.com.