Erika Lagoma bertsolaria lesakarra da sortzez, baina urteak dira Durangaldera etorri eta gurean bizitzen ipini zela. Atzo 2021eko Nafarroako Bertsolari Txapelketako lehen finalaurrekoa jokatu zen Altsasuko Iortia kulturgunean. Han aritu ziren kantuan Endika Legarra, Eneko Lazkoz, Xabat Illarregi, Ekhiñe Zapiain, Oier Lakuntza eta Erika Lagoma bera. Lazkozek irabazi zuen saioa, 489 puntu erdietsita; Lagomak 442 lortu zituen, eta finalera sailkatzeko aukerak ditu.
Azaroaren 28an jokatuko da Nafarroako Bertsolari Txapelketako finala, Iruñean.