Alfons Pérez Globalizazioko Zorraren Behatokiko aktibista eta ikerlari kataluniarra da. Egunotan Euskal Herrian dago berak idatzitako Itun berdeak pandemia garaian liburua aurkezten, eta gaur, Durangoko Hitz liburudendan egingo du geldialdia. Pérezek gaur egungo egitura ekonomikoek dituzten erronkei buruz egingo du berba, larrialdi klimatikoaren markotik behatuta. Hain zuzen ere, multinazionalei, azpiegitura handiei eta oro har ekonomiaren hazkunde mugagabeari buruzko begirada zorrotza eskainiko du, mahai gainean bestelako eredu sozioekonomiko bat eta deshazkundea ipinita.
Pérezek EH Bilduko Mikel Otero legebiltzarkideak lagunduta eskainiko du berbaldia. Bukaeran solasaldia egingo dute biek, bertaratutakoen iritziak elkar trukatuta. Liburuaren aurkezpena 19:00etan izango da.