Peter-en oroimenezko pilota txapelketako lehenengo finalistak joan zen barikuan erabaki ziren. Gazte mailan Murillok eta E. Etxebarriak 22-13 menderatu zituzten Etxebarria eta Alvarez. Nagusietan emozio handiko partidu ikusgarria jokatu zuten lau protagonistek eta azkenean Karregalek eta Bilbaok lortu zuten finalerako txartela Etxebarria eta Morgaetxebarria 22-19 menderatuta.
Bigarren finalerdiak urriaren 22an, 19:30ean, jokatuko dira Durangoko Ezkurdi Jai-Alai pilotalekuan. Final biak urriaren 29an izango dira.
Gazte mailako bikote biak barikuko finalerdian.