Eixu elkarteak laugarrenez antolatu du azoka, eta aurtengo edizioan arreta berezia ipini du artileari loturiko lanean. Ardi latxaren artilea hartuta, haren transformazio prozesua zelakoa den erakutsiko dute jendaurrean. Maduixa Gorria artisau-etxeko Sandra Cliville arduratuko da prozesua azaltzeaz eta herritarren aurrean egiteaz. Erakustaldia 11:00etatik 14:00etara eta 16:30etik 18:30era egingo da.