Herritarrek kluba hobeto ezagutzea da ekimenaren helburuetariko bat, azken hileetan aldaketak izan dira eta. Klubak zuzendaritza berria du, esaterako. Horrela, zuzendaritzako arduradunak eta taldeetako entrenatzaileak han egongo dira egunean zehar, eta gura dutenek eurak ezagutzeko aukera izango dute.
Cafés Baque enpresako kideak ere bertaratuko dira. Izan ere, aurtengo denboraldian 50 urte betetzen dira kafe-enpresaren eta Tabirakoren arteko lankidetza hasi zenetik. Ildo horretatik, efemeride horri loturiko logotipo berria aurkeztuko dute.
Ekintza ludikoak ere izango dira; esaterako, saski batzuk ipiniko dituzte, jaurtiketak probatu gura dituenarentzat.
Gaur, taldeen aurkezpena
Bestalde, gaur, 17:00etan, Tabirako klubeko talde guztien aurkezpena egingo dute merkatu plazan. Toki hori aukeratu dute hainbat sarrera-irteera duelako. Publikorik bako ekimena izango da eta, besteak beste, 50. urteurreneko kamiseta berriak aurkeztuko dituzte.