Bestalde, elkarteak elkarretaratzeen maiztasuna gutxituko duela iragarri du. 2005etik hona astero egin izan dituzte kontzentrazioak, baina hemendik aurrera hilean behin egingo dituzte, hil bakoitzeko azken eguenean. Elkarteak iragarri duenez, datozen hitzorduak urriaren 28an, azaroaren 25ean eta abenduaren 30ean izango dira. Halaber, azaroaren 25ekoa manifestazioa izango dela aurreratu dute.
Andereak elkartea Euskal Herriko mugimendu abolizionistaren koordinakundeko kidea da, beste 9 talderekin batera. Egitura horren helburua "prostituzioa, pornografia eta alokairuko sabelak indargabetzea" da Andereak-en berbetan, horiek "emakumeen aurkako indarkeriaren muturreko formak direlakoan". Dena dela, elkarteak adierazi du "Euskal Herriko Mugimendu Feministak gure inguruan gertatzen diren hilketen aurka antolatzen dituen elkarretaratezetan ere" hartuko duela parte.