Durangoko Udalak ohar bidez jakinarazi duenez, datorren astetik aurrera telefono bidezko inkesta soziologikoak egingo ditu herritarren artean. 600 herritar galdekatuko dituzte, guztira 20 galdera itxi, hiru galdera ireki eta bost galdera soziodemografiko eginda. Inkestagaz, durangarrek udalerriari buruz dituzten lehentasunak eta iritziak ezagutu gura dituzte. Galderak legealdiko lehenengo bi urteetan udal organoetan hartutako erabakiekin egongo dira lotuta. Iker Urkiza eta Patxi Lakuntza zinegotziek adierazi dute hautematen diren ahuleziak eta gabeziak "oso kontuan" hartuko dituztela.