Ezkurdiko kioskoa domekan berrinauguratuko dute, Durangoko udal musika bandagaz

Bandaren kontzertua 13:30etan izango da, kioskoan bertan. Ekitaldia Juanan Aroma txistulariaren eta Abel Iriondo dantzariaren aurreskuagaz hasiko da.

Durangoko Udalak asteburu honetan amaituko ditu duela aste batzuk kioskoan hasi zituen berritze lanak. Lanak bukatuta, herriko toki "enblematiko" bat berreskuratuko du. "Ideia ona iruditu zitzaigun udal banda izatea espazio enblematiko honen buru. Horrela, musika berriro ere entzungo da Ezkurdiko kioskoan, garai batean bezala", azaldu dute udal ordezkariek. 

Udalak kioskoa berritzeko lanak hasi zituen duela bi hile. Barrualdea "oso hondatuta" zegoela eta forjaketak "egiturazko sostengu-arazoak" zituela eta bertan esku hartzea erabaki zuen. Lanek ia 35.800 euroko aurrekontua izan dute. 

 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.