Argindar panelak instalatuko dituzte Durangon, ekitaldi kulturalak auzoetara irisarazteko

Durangoko Udalak hainbat lan egingo ditu udan, urriko ekitaldi kulturalak auzoetan ere antolatu ahal izateko. Besteak beste, argindar panelak instalatuko dituzte.

Durangoko Udalak ekitaldi kulturalak auzoetan egin ahal izateko lanak esleitu ditu. Iazko jaietara bideratzekoak ziren 105.000 euroak inbertituko ditu lanetan. Besteak beste, argindar panelak ipiniko dituzte auzoetan, aurrerantzean ekitaldi kulturalak erdigunetik kanpo ere egin ahal izateko. Guztira, zazpi eremutan ipiniko dituzte panel elektrikoak: Tabiran, Otamotzena parkean, Juan Olazaran kalean, Madalena plazan, Zuhatzola parkean, San Faustoko frontoi ondoan eta  Ibaizabal parkean.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.