Emanaldia bi saiotan banatuko da. Lehenengo zatian, hiru obra estreinatuko dituzte ohiko txistu kontzertuan. Rodrigo A de Santiagoren Sonata libre, Felix Ibarrondoren Olatuak eta Francisco Jose Rios Lopezen 'Quejio' entzun ahalko dituzte bertaratuek.
Jaialdiaren bigarren zatian Xuacu Amieva & Dobrak eskainiko du kontzertua. Amieva maisua da gaitarekin, eta ezaguna da Asturiasko kultura eta musikagintza berreskuratzeko egindako lanagatik.
Emanaldia San Agustin aretoan izango da, doan.