Azken bost urteetan dohaintzan jasotako piezekin erakusketa osatu du Durangoko museoak

Herritarrei beraien eskuzabaltasuna eskertzeko asmoagaz atondu dute erakusketa Durangoko Arte eta Historia museoan. "Horiek gabe ez genuke egungo bilduma izango", azaldu dute museoko iturrietatik. Uztailaren 11tik aurrera egongo da ikusgai. 

Besteak beste, Leopoldo Zugazak museoaren lehen urteetan eginiko lana azpimarratu gura izan dute museotik. "Bere lanaren emaitza da gaur egun gure harribitxi handia den euskal arte garaikidearen bilduma ikusgarria".

Erakusketa hau osatzeko, azken bost urteetan piezak museoari dohaitzan eman dizkieten artista edo bildumagileen piezak batu dituzte. Besteen artean, Picassoren, Christine Etcheversen, Daniel Tamayoren eta Ramon Zuriarrainen lanak egongo dira ikusgai abuztuaren 29a bitartean. "Une hau aprobetxatzen dugu herritarrak guztion museo bat eraikitzen laguntzera gonbidatzen jarraitzeko, ondare partikularra ondare orokor bihurtzeko, hau da, gure ondarea".

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.