Kaleko lanari estudiokoa ere gehitzen zion Regoyosek. Gutun batzuetan jasota dagoenez, lan hori ez zuen Artekaleko edo Ermodoko etxeetan egiten. Iurretan estudio bat zuen, margolanak han lantzeko.
Euskal Herrian barrena
Regoyosek oso gogoko zuen Euskal Herria, eta, batez ere, bertako argia. Baina Durangora etorri aurretik, pintoreak Euskal Herriko beste leku batzuk bisitatu zituen. 1890ean Donostian finkatu zen, eta estatuan egin zuen lehenengo erakusketa Arte Ederren Erakusketan aurkeztu zuen, Parisko Independenteen erakusketan. Bost urte geroago, Begoñako Basilikan ezkondu zen. Euskal Herriagaz zuen loturagaz jarraituz, 1897an Album Vasco grabatuen liburua argitaratu zuen. 1899an Donostiara joan zen bizitzera. Sasoi hartan, España Negra liburua argitaratu zuen.
Museoko arduradunek diotenez, Regoyosek inguruan margoturiko hainbat artelan dago Euskal Herritik kanpora. "Erakusketan honetan, gertuen ditugun margolanak batu ditugu", esan dute.
Bisita gidatuak martxan
Erakusketa zabaldu dutenetik, jendetza joan da Arte eta Historia Museora Regoyosen artelanak ikustera. Beraz, antolatzaileak pozik daude erakusketak izan duen harreragaz. Gainera, eguaztenetan martxan ipiniriko bisita gidatuak bete egin direnez, eguenetan ere egingo dituzte.
Bisita gidatuak- Euskaraz - Doan Gaztelaniaz - Doan Izen ematea: 946030020 |