Parkea apirilean inauguratu zuten, eta bariku honetan instalazio berri bat ipiniko dute martxan. Durangoko Udalak umeentzako ur-txorrotak zabalduko ditu bariku honetan. Udal gobernu taldeak gogora ekarri duenez, parkearen diseinua "auzoko bizilagunekin batera" adostu zuen, 2019an egindako bileren bitartez. Bilera horietan, herritarrek ur-txorrotak instalatzeko eskaria egin zutela adierazi du.
"Durangoko auzoei alternatiba bat eman behar zaiela" diote udal agintariek. Ez dituzte aisialdi gune guztiak erdigunean batu gura. "Hainbat lekutan zabaldu behar ditugu guneak, eta horren erakusgarri da Otamotzena parkeak izan duen arrakasta", azaldu dute.