Berbaro Elkarteak zapatu arratsaldeak jolasean pasatzeko aukera eskainiko du Landako Gunean antolatuko duen ludotekan. 4 eta 10 urte arteko umeei zuzenduta egongo da ludoteka, eta jolaserako, sormenerako eta esperimentaziorako gune bat izango da.
Berbarok Durangoko Udalagaz batera martxan jarri duen egitasmoa apirilaren 17an hasiko da eta ekainaren 19an amaituko da. Ludoteka zapaturo egingo da, 16:00etatik 19:00etara bitartean.