Durangoko Udalak Arrazakeriaren aurkako astea antolatu du. Arabako, Bizkaiko eta Gipuzkoako Itun Sozialean oinarrituta antolatu du astea, egungo "migrazio-erronkei positiboki erantzuteko eta arrazakeriari eta xenofoboari aurre egiteko". Mikel Uriguena zinegotziaren arabera, "elkarbizitza-harremanak sustatzeko espazio pribilegiatu gisa" ulertu behar da Durango, "bertan, aukera berdintasuna, gizarteratzea eta auzokide guztien ongizatea bermatuko dituzten berariazko ekintza-politikak eta planak" formulatzeko.
Honakoak dira Inmigrazio Sailak antolatutako ekitaldiak:
HITZALDIA: Aniztasunaren Eskola. Migraziorako Mundu Ituna
- Data: Apirilaren 20a
- Tokia: Elkartegia
- Ordua: 18:30a
- Hizlariak: Lorenzo Cachón, Madrilgo Complutense Unibertsitateko Soziologia
katedraduna. - Parte hartzeko Inmigrazio Sailean izena eman beharko da, 944657091 telefonoan, edo www.durangonbizi.net helbidean.
IRRATIKO GOSARI-ELKARRIZKETA: Inmigrazioaren Aldeko Itun Soziala
- Data: apirilaren 21a
- Tokia: Durango Irratia. Irrati bidez emitituko dute.
- Ordua: 11:00
- Elkarrizketa: Jose Antonio Oleaga eta Xabier Aierdi soziologoak. Begirune Fundazioko kideak.
EKITALDIAK IKASTETXEETAN
Udalak jakinarazi duenez, Arrazakeriaren aurkako astea hezkuntza eremuan landuko dute gehienbat. Honako jardunaldi hauek egingo dituzte ikastetxeetan
- Zinema eta Giza Eskubideen Ikasgelak antolatuko dituzte Lehen Hezkuntzako ikasleentzat.
- DBH1eko ikasleei zuzenduta, formazio tailerrak eta irrati-tailerrak antolatuko dira. Tailer horietan arrazismoa eta xenofobia prebenitzeko lanketa egingo da.
- Hezitzaileentzako prestakuntza: “Balioetan oinarritutako hezkuntza, haur eta gazte literaturaren bidez”, Lehen Hezkuntzako irakasleei zuzendua.
- Jarduerak Landako Eskolan: World-kafea eta Dinamika Lehen Hezkuntzako zikloko ikasleekin