Durangon kalistenia parkea ireki dute jarduera fisikoa egiteko

Durangoko Udalak kalistenia parke bat ireki du Ibaizabal parkean, hainbat elementu eta altzariren bidez jarduera fisikoa egin ahal izateko. Aurreikusi moduan, lanak amaitzeko bost aste inguru behar izan dituzte. Udalak 30.000 euroko inbertsioa egin du.

Aire zabaleko gimnasio moduan erabiltzen dira kalistenia izenagaz ezagunak diren parkeak, ariketa egiteko aukera emanez. Durangon zabaldu dutenak 130 metro karratu ditu eta 12 gune hainbat jarduera fisiko egin ahal izateko. 

"Durangon aisialdirako parke eta guneen eskaintza hobetu daiteke. Parke berri honek, gainera, herritar guztiei jarduera fisikoa egiteko beste aukera bat eskainiko die. Kalistenia parke hauek gorputza lantzeko balio dute , adinaz eta egoera fisikoaz haratago. Jarduera ez lehiakorraren bidez durangarron ongizatea sustatu nahi dugu", azaldu dute udal arduradunek.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.