Bartolome Ertzillako sei ikaslek Andoaingo Piano Jaialdiaren saria jaso dute

Oier Callejo, Jone Berrizbeitia, Kelmene Abaitua, Lide Salaberria, Eider Urigoitia eta Aiala Irurtia piano-jole gazteek jaso dute Andoaingo Udalak eta Deiadar Piano Jaialdia elkarteak urtero banatzen duten saria. Mikel Nuñez eta Maria Azurmendi irakasleen ikasleak dira.

Euskal Herriko piano komunitatean jaialdi entzutetsua da Andoaingoa (Gipuzkoa); 16.edizioa du aurtengoa. Araba, Bizkaia eta Gipuzkoako 270 ikasle baino gehiago aurkeztu dira lehiaketara aurten, eta Bartolome Ertzilla musika eskola eta kontserbatorioko ikasleak aurkezten diren hirugarren biderra da.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.