Pertsona maitatua zen Valdés, eta agerian geratu da hori gaurko ekitaldi jendetsuan. Osvaldok zuen poztasunarekin, eta bizitzan gehien maite zituen zaletasunen bidez gogoratu gura izan dute, eta horrela, musika, dantza eta poesia izan dira omenaldi hunkigarriaren ardatza; poesia musikatua zein errezitatua, dantza kubatarrak, euskal dantzak edota zuzeneko musika egon dira, besteak beste, eta ugariak izan dira txalo zaparradak ekitaldi osoan zehar.
Kubatarra sortzez, Durangon bizi izan da hainbat urtez Osvaldo Valdés. Martxo hasieran hil zen, eta ordutik, hainbat lore eta maitasunezko mezu agertu dira berak zeraman 'La bodeguita del medio' tabernako atarian.