Hori dela eta, martxoaren 1etik aurrera, 07:00etan irekiko dira igerilekuak, ohiko ordutegia baino ordubete lehenago. “Momentu zail honetan uneoro egoera ezberdinetara egokitzea dagokigu durangarrei eskaintzen diegun zerbitzua kaltetua irten ez dadin. Neurri berri honekin, arratsaldeetan lan kontuengatik edo dena delakoagatik joan ezin direnei aukera berri bat eskainiko diegu goizeko lehen orduan joan ahal izateko”, adierazi dute Ane Abanzabalegi Durango Kirolak-eko presidenteak eta Julian Rios alkateordeak.