Berrikuntzak datoz Durangoko tren geltokira. Bertara sartzeko bide berria inauguratuko dute eguenean. Euskal Trenbide Sareak adierazi duenez, eguenetik aurreram Durangoko epaitegiaren aldetik sartu barik, tren geltoki zaharra zegoen aldetik sartu beharko da geltoki berrira.
Bestalde, Euskal Trenbide Sareak bertan egindako lanen xehetasunak eman ditu: oinezkoentzako hormigoizko eskailera bat ipini, eskailera mekanikoa eraiki eta estali barik zeuden bi gune estali ditu. Lanek 1,2 milioi eurotik gorako inbertsioa izan dute eta urtebete baino gehiago iraun dute.