Azpiegitura berritua DRTren jabetzakoa da eta honako gune hauek ditu: biltegia, batzar gela, erabilera anitzeko gela, komuna, garbitegia… "Errugbi kirol-jardueren egunerokotasunerako giltzarria eta gune estrategikoa da", adierazi dute klubeko kideek.
Gainera, egoitza libre dagoen momentuetan, euren azpiegitura erabiltzeko atea zabaldu diete herriko kirol elkarteei: batzarren bat egiteko, hitzaldiak eskaintzeko… Aukera berdina eskainiko diete klubeko bazkideei edo eta babesleei ere.
Klubaren barruan lantalde bat sortu dute eta talde horren ardura izango da egoitza dinamizatzea.