Aitor Gonzalezek 'La muralla de la villa de Durango' liburua kaleratu du, Bizkaiko harresiei buruzko bildumako bederatzigarrena

Aritz Maldonado 2021ko ots. 9a, 08:49
Deskargatu Info Ahotsak :

Aitor Gonzalez Gatok La muralla de la villa de Durango liburua kaleratu du oraintsu. Ia 300 orrialdetan zehar, Durangon gertaturiko aldaketa historikoak aletu ditu. "Eraikuntzak, erreformak, erabilerak, eraisteak... Bertan eskaintzen den informazio asko inoiz argitaratu bakoa da", adierazi du Gonzalezek. Liburuak 51 argazki, plano eta grabatu ere biltzen ditu. Liburuko kapitulu bat, osorik, Santa Anako portaleari eskaini dio, "1744ko obra barrokoa".

Bizkaiko harresiei buruzko bildumako bederatzigarren liburua da Aitor Gonzalezen azken hau. Aurretik, Bermeoko, Portugaleteko, Bilboko, Lekeitioko, Urduñako, Plentziako, Balmasedako eta Elorrioko harresiei buruzkoak publikatu ditu. "Ia hogei urte daramatzat gotorleku bizkaitarrak aztertzen", esan du Gonzalezek. Bildumako azken liburua izango dela aurreratu du.

Hitzen eta Urriken salgai
Durangoko harresiei buruzko liburua bertako Hitz eta Urrike liburudendetan dago salgai. Gonzalezek 100 aleko "edizio mugatua" kaleratu du .

Kultura Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!