Gaur hasi da bi gazte arabarren aurkako epaiketa, eta Euskal Herri osoan egin dira babesa agertzeko ekimenak. Fiskaltzak zortzi urteko espetxe zigorra eta zazpi urteko zaintzapeko askatasuna eskatu du haietako bakoitzarentzat.
Aitor Zelaia eta Galder Barbado 2019ko otsailean atxilotu zituen Ertzaintzak eta hilabete batzuk espetxean egon ostean urte hartako udan atera ziren kalera bermepean. "Armak, munizioak eta lehergailuak edukitzea, eta horiek helburu terroristarekin gordetzea eta trafikatzea" egotzita atxilotu zituzten.