Datozen egunetan, esterilizazio-kanpainak egingo dira udalerrian dauden katu-kolonietan, animalia horien populazio egonkorra eta osasuntsua lortzeko. "CES metodoak koloniekiko bizikidetza ere hobetzen du, borrokak, zaratak, markatzeak eta ugalketaren ondoriozko beste eragozpen batzuk murrizten edo ezabatzen baititu", azaldu du udalak ohar batean.
Animaliak biltzeko zerbitzua
Parte hartu ahal izateko, zerbitzuari buruzko hasierako prestakuntza jasoko da, bai eta animalien ongizaterako eta egoiliarrekiko bizikidetzarako jardunbide egokien gida ere. Interesa duten pertsonek informazioa eska dezakete posta elektronikoz: ces@durango.eus.
Katu koloniak kontrolatzeko zerbitzuarekin batera, 2010etik esleitu gabe zegoen animaliak biltzeko zerbitzua lizitatu du Udalak. Zerbitzu honek badu berritasun bat: txakurrez gain, katuak ere sartzen dira zerbitzuan.