Produktuz betetako kaxak etenegabe heltzen ari dira egunotan. Sarreran jaso, argitaletxeka sailkatu eta erakustazokako luze-zabalean banatutako mahaietara bideratzen dituzte.
Durangoko Azokako denda izango da edizio honetako nobedade nagusia. Kulturzaleek aurten sortutako 852 nobedade izango dituzte eskura www.durangokoazoka.eus webgunean. Guztira, 2.300 produktu erosi ahalko dira euskal kulturaren denda erraldoi horretan.
Katalogoa dagoeneko kontsultatu daiteke eta produktuak aukeratu daitezke 'desioen saskia' aukeraren bidez. Ordainketa abenduaren 4tik aurrera bitartean egin ahalko da.
