Urtero bezala, Ikasle Goizak emango dio hasiera Durangoko Azokaren edizio berriari. ikasleek beraien ikastetxeetatik jarraitu ahal izateko egitaraua prestatu dute antolatzaileek; diziplina ezberdinetako jarduerek osatzen dute. Besteak beste, Maite Arresek, Sara Arizmedik, eta Ainara Azpiazuk gidatuko dituzte tailerrak. Zuzeneko elkarrizketa saioa ere egongo da, Oihan Vegak eta Oizeder Mayok gidatuta. Liher musika talde donostiarra, Kai Nakai abeslaria, Erika Elizari idazlea eta Aitor Arana idazlea elkarrizketatuko dituzte bertan.
www.durangokoazoka.eus webgunean jarraituko ahalko da egitaraua. Goizean zehar #IkasleGoizaDA traola erabiltzeko deia egin dute antolatzaileek.